عادل البهنساوى
قال مسئول بالشركة المصرية لنقل الكهرباء أن من غير الواضح أن التعويم تسبب فى خسائر مالية لمستثمرى الطاقة الشمسية فى بنبان وقال المصدر لموقع باور نيوز إن المستثمرين ربما تضرروا قبل تعويم الجنيه لان الدولار أصبح متاحا الان فى البنوك لسداد الأقساط أما قبل التعويم فكان يتم تجميع دفعات من قيمة الطاقة لشراء الدولار من السوق الموازية بسعر عالى جدا أعلى من سعره الحالى بالبنوك
أفاد المسئول بأن الخاسر الوحيد من التعويم هو الشركة المصرية لنقل الكهرباء والتى زادت عليها أعباء القروض و الأجور و توازن العقود دون أن تتحمل ميزانيتها ذاك
وأكد المسئول أن النقل استدانت ٣ مليار جنيه كاحتياطى للإنفاق على الحالات الطارئة
وأرسل قارئ رسالة ردا على منشور الموقع الذى نشر بتاريخ ١٤ مارس الجارى تحت عنوان ” مستثمروا بنبان للطاقة الشمسية يطرقون باب وزير الكهرباء لتعويضهم عن خسائر العملة “
قال ” المستثمرون استغلوا الوضع بتاع الكهرباء فى ٢٠١٤ واتفقوا علي بيع الكيلووات ساعة من الكهرباء بمبلغ ١٤.٣ سنت دولار لأول ١٠٠ ميجا للمرحلة الأولى ثم بمبلغ ٨.٤ سنت دولار، يعني بسعر الدولار النهاردة الحكومة ممثلة فى شركة النقل مجبرة تشتري منهم كيلو الكهرباء ب ٧ جنيه وتبيعه للمستهلك ب ١ج اذا تم بيعه بأكبر قيمة.
واضاف ” الحكومة بتدفع مليار جنيه ع الاقل شهريا للمستثمرين دول بنسبة خسارة تزيد عن ٨٥% “
” حضرتك متخيل انهم بياخدوا الطاقة الشمسية ببلاش ولا يتكلفوا الا مصاريف صيانة بسيطة جدا.”
” الدولة فى ٢٠١٤ عملت الاتفاقية دي لأن وضع الكهرباء وقتها كان فى أزمة ولكن أخطأت الوزارة انها لم تضع بند إعادة النظر فى السعر كل سنة أو اتنين مثلا ودلوقتي مفيش أزمة كهرباء بس مجبرين ندفع للمستثمرين مليارات المليارات.”
” اللي عمل الاتفاقية بالشكل دا شخص …. لازم يتحاسب ولازم يتقنن الوضع دلوقتي وكفاية بقي خسارة من مال البلد لصالح مستثمرين جشعين بيستفادوا من التعويم.
تخيل ان التعاقد تم لما كان الدولار ب ٨.٨٨ ج وكانوا كسبانين مليارات ودلوقتي الدولار بقي ٤٩ ج والاتفاق بتقول انهم بياخدوا بسعر الدولار الرسمي لمقابل ٦٧% من الإنتاج يعني خراااااب للبلد.”
