باور نيوز
ارسل موظف بشركة بتروسبورت رسالة إلى المهندس طارق الملا الأب الروحى لكل العاملين بالقطاع يعرض عليه مأساة ابنه الصغير الإنسانية الذى يعانى من ضمور العضلات وأصبح غير قادر على الحركة أو الذهاب الى مدرسته ويحتاج إلى علاج لكن ظروفه المالية لا تسمح بعلاج نجله وهذه هى نص الرسالة
” استغاثة
السيد الوزير المهندس طارق الملا
وزير البترول والثروة المعدنية
تحية طيبة وبعد،،،
مقدمه لسيادتكم/ أحمد سید عبدالحميد – من العاملين بشركة بتروسبورت بوظيفة اخصائي ممتاز بإدارة المخازن.
أستغيث بسيادتكم كونكم الأب الروحي لنا في إنقاذ ابني يوسف أحمد سید عبدالحميد – عمره عشر سنوات.
يوسف طفل جميل أصعب حاجة على الأب والأم ميبقوش عارفين يعملوا ايه عشان ابنهم يتعالج مفيش بايديهم
حاجة، يوسف كان عايش طبیعی بس متأخر في المشي وكانت طريقة مشيته غريبة ومن أقل حاجة يوقع لفيت
بيه على دكاترة كتير وتحاليل واشعات لغاية لما شاهدنا في التليفزيون دكتورة ناجية على فهيم كشفت على يوسف وطلبت تحليل جيني في المانيا عن طريق مستشفى عين شمس التخصصي وبعد ثلاثة شهور جاءت
نتيجة التحاليل بمرض ضمور العضلات يسمى ( دوشين ) وتم تشخيصه بالتحليل الجيني وعلاجه مكلف
وغالی جدأ يفوق طاقتي كموظف بسيط وطاقة ناس كتير متقدرش على ثمنه – يوسف دلوقتي عنده عشر سنين
بعد ما كان بيمشي حتى لو بيقع دلوقتي مش قادر يتحرك بعد ما كان طفل زي أي طفل بيروح مدرسة أصبح مش قادر على الحركة كنا مستحملين الألم بتاع مرضه وهو بيتحرك بسيط حتى لو بقع دلوقتي مش عارفين
تعمل ليه أي حاجة الموضوع أكبر من طاقتنا مفيش بايدينا حاجة نعملها مفيش مكان ولا دكتور ولا جهة إلا ورحنا نسأل لو فيه علاج بديل، وللأسف عشان العلاج غالى ومش مدعم مفيش أي حاجة في ايدينا غير بنقول يارب – يوسف كان بيقدر يدخل الحمام دلوقتي يوسف مش قادر يقف على رجليه خالص. يوسف دلوقتى بيدخل الحمام على ايديه ورجليه بعد ما كان بيحاول وبيدخل لوحده ويمشي ويقع . دلوقتى فقد السيطرة على أنه يقدر يقف على رجليه
الولد حزين بيسأل ازای کان بيمشي ودلوقتى مش قادر يمشي – مش عاوز يشوف حد ولا يقعد مع حد وساكت على طول مش قادر يقوم يتحرك يجری زى أى طفل طبيعي في سنه وحالته النفسية
بقت صفر والأمل في ربنا وإن حد يقدر يساعدنا في علاج يوسف ويوصل صوتنا۔
يوسف محتاج کورس حقن لمدة سنة مبلغه حوالي 3 مليون و 200 ألف جنيه، حاولت أوصل صوتي لأي برنامج لأي حد ممكن يتبني حالة يوسف بس معرفتش أوصل لحاجة.. الأمل في ربنا وفي سيادتكم تقدر تساعدنا
وترجع ليوسف الأمل في إنه يتعالج ويرجع يمشي ويتحرك زى أى طفل في سنه وترجعله طفولته وابتسامته.
ربنا ما يكتبها على حد أبدأ ويشفي ابني ويحفظ ليكم أولادكم يارب جعلكم الله عونا لأبنائكم من قطاع البترول
وتفضلوا سيادتكم بقبول فائق الشكر والاحترام،،،
أحمد سید عبدالحميد
