عادل البهنساوى يكتب : عم جابر فى المحطة ” الغلبانة ” !!

الحج جابر ابو دسوقى شعلل محطة جنوب حلوان يا جماعة النهاردة  المحطة كلتها بلت الشربات   الحج جابر وكأنه كان  غايب عن المحطة بقاله 5 سنين .. يا حلاوة …عم جابر ماشى يتمخطر بوسامته واناقته وشبابه وقميصه المخطط  هو والخال الفار فى المحطة .. معقولة دى يا ولاد الناس الكبارة دول يزوروا المحطة الغلبانة دى قليلة الاصل اللى ملهاش لا عيلة ومقطوعة من شجرة كحيانة … ايوة امال ايه يزوروها ما هو برنامج الحكومة مع الغلابة اليومين دول ودى غلبانة ويتيمة وتستاهل يأمنوا عليها والله بعد ما ولاد الحرام دخلوا وخلصوا على الغلبانة اللى عايشة معاها الحاجة سياج  ..

الزغاريد اشتغلت وهات يا بوس كل واحد بيبوس زميله ده نهار ابيض يا ولاد النهاردة ده يوم مش هيتنسى ابدا يا رجالة والله الواحد مش مصدق  عم جابر بنفسه وصل المحطة وهو من الصبح يا عينى فى المحطة الاصيلة بنت الناس الاكابر بتاعت اللى متسماش اللى اسمها سيما … سيما ايه يا وله انت عبيط  ولا اهبل يا وله اسمها سييييييمنززززز .. عرفت يا وله اوعى تلسن على دى .. دى مقامها عالى قوى ومسنودة اوعى لحسن تروح فى ابو نكلة ,,  وانا مالى ملناش دعوة بالاكابر دول لحسن يودونا ورا الشمس

ههههه لكن قولى يا واد يا شقلوف  مش الست صباح ابو مشالى كانت هناك  فى المحطة بتاع الاكابر برضه  هى مجتش ليه … نهارك اسود يا شقلوف نقول تور تقول احلبوه انت بهيم …  الخال اسامة ابو عسران والست صباح ابو مشالى مبيجوش المحطات اللى زى دى لانها محطات من الطبقة الاكثر فقرا وبعدين  هما مشغولين مع سيادة الوزير  الله يستره زى ما ستر الشعب كله .. اى والله سترنا من البتاعة ام عويل اللى قطعت نفسنا من الهباب اللى كانت بتطلعه وسترنا م الضلمة  الله يعمر بيته كمان وكمان  ..

لا وايه الجماعة الغلابة بتوع بسسكو يا عينى فرحانيين قوى النهاردة  اى والله فرحانين قوى ان عم جابر جالهم النهاردة ده يوم عيد فى بسسكو هيولعوله الشمع كل سنة .. ايوة امال ايه ده عم جابر يا ولاد هو شوية فى الوزارة !!! قول يا عم جابر …..